«Manchester Siti» klubi sobiq sardori Bernardu Silva yangi mavsumdan boshlab Madridning «Real» klubi sharafini himoya qiladi.

Portugaliyalik futbolchi «qaymoqranglilar» safiga erkin agent maqomida borib qo‘shiladi, biroq bu transfer madridliklar uchun mutlaqo bepul tushmaydi. El Confidencial nashri tarqatgan ma’lumotlarga ko‘ra, «Real» futbolchi va uning agenti Jorje Mendeshga 10 million yevro miqdorida shartnoma imzolagani uchun bonus to‘laydi. Shuningdek, yarim himoyachining «qirollik klubi»dagi yillik maoshi ham taxminan 10 million yevroni tashkil qiladi.

Bernardu Silva iyul oyida rasman Joze Mourinyo qo‘l ostidagi jamoa a’zosiga aylanadi. Bungacha futbolchi to‘qqiz yil davomida «Manchester Siti»da to‘p surgan va 2025/26 yilgi mavsum yakunida muddati tugagan shartnomasini uzaytirmaslikka qaror qilgan edi.