«Манчестер Сити» клуби собиқ сардори Бернарду Силва янги мавсумдан бошлаб Мадриднинг «Реал» клуби шарафини ҳимоя қилади.
Португалиялик футболчи «қаймоқранглилар» сафига эркин агент мақомида бориб қўшилади, бироқ бу трансфер мадридликлар учун мутлақо бепул тушмайди. El Confidencial нашри тарқатган маълумотларга кўра, «Реал» футболчи ва унинг агенти Жорже Мендешга 10 миллион евро миқдорида шартнома имзолагани учун бонус тўлайди. Шунингдек, ярим ҳимоячининг «қироллик клуби»даги йиллик маоши ҳам тахминан 10 миллион еврони ташкил қилади.
Бернарду Силва июль ойида расман Жозе Моуриньо қўл остидаги жамоа аъзосига айланади. Бунгача футболчи тўққиз йил давомида «Манчестер Сити»да тўп сурган ва 2025/26 йилги мавсум якунида муддати тугаган шартномасини узайтирмасликка қарор қилган эди.
