Urugvaylik markaziy hujumchi Darvin Nunyes Saudiya Arabistonining "Al-Hilol" klubini tark etishga yaqin turibdi. Bu haqda Carve Deportiva jurnalistlari xabar bermoqda.
Manbaga ma’lum bo‘lishicha, hujumchi amaldagi shartnomasini bekor qilishi va erkin agent sifatida 2022 yildan 2025 yilgacha to‘p surgan jamoasi — "Liverpul"ga qaytishi mumkin. U o‘z vaqtida ingliz grandidan Saudiya Arabistoniga 53 million yevro evaziga o‘tgan edi.
Yakunlangan mavsumda Darvin "Al-Hilol" tarkibida 24 ta uchrashuvda maydonga tushdi. Nunyes ushbu o‘yinlarda 9 ta gol urdi va 5 ta golli uzatmani amalga oshirdi.
2025/2026 yilgi mavsum yakunlariga ko‘ra, "Liverpul" 60 ochko bilan Angliya Premyer-ligasi turnir jadvalida beshinchi o‘rinni egalladi.
