Уругвайлик марказий ҳужумчи Дарвин Нуньес Саудия Арабистонининг "Ал-Ҳилол" клубини тарк этишга яқин турибди. Бу ҳақда Carve Deportiva журналистлари хабар бермоқда.
Манбага маълум бўлишича, ҳужумчи амалдаги шартномасини бекор қилиши ва эркин агент сифатида 2022 йилдан 2025 йилгача тўп сурган жамоаси — "Ливерпуль"га қайтиши мумкин. У ўз вақтида инглиз грандидан Саудия Арабистонига 53 миллион евро эвазига ўтган эди.
Якунланган мавсумда Дарвин "Ал-Ҳилол" таркибида 24 та учрашувда майдонга тушди. Нуньес ушбу ўйинларда 9 та гол урди ва 5 та голли узатмани амалга оширди.
2025/2026 йилги мавсум якунларига кўра, "Ливерпуль" 60 очко билан Англия Премьер-лигаси турнир жадвалида бешинчи ўринни эгаллади.
