Londonning "Kristal Pelas" klubi yangi bosh murabbiyni rasman tanishtirdi. Ushbu lavozimni fransiyalik Pyer Saj egalladi, mutaxassis bilan uch yillik shartnoma imzolandi.
Sajning bundan avvalgi ish joyi "Lans" klubi edi. 47 yoshli murabbiy yakunlangan mavsumda Liga 1 da "konchilar" bilan birgalikda "PSJ"ga chempionlik unvoni uchun jiddiy raqobat taklif qila oldi. Yakunda jamoa ikkinchi o‘rinni band etdi. U 2023–2025 yillarda "Lion" bosh murabbiyi sifatida ham faoliyat yuritgan.
Eslatib o‘tamiz, mavsum yakunlanganidan so‘ng Londonning "burgutlari" Oliver Glasner bilan xayrlashishgan edi. Germaniyalik mutaxassisning klubdagi faoliyati o‘ta muvaffaqiyatli kechdi — bir yil ichida "Pelas" futbolchilari Angliya Kubogi, Angliya Superkubogi hamda UYEFA Konferensiya Ligasi kubogini qo‘lga kiritishdi.













