«Marsel» klubining qanot hujumchisi Meyson Grinvud «Roma»ga o‘tishga bir qadam yaqinlashdi.
Jurnalist Nikolo Skiraning bergan ma’lumotlariga ko‘ra, rimliklar ingliz futbolchisi bilan shaxsiy shartnoma shartlarini kelishib olishgan. Bitim 2031 yilga qadar mo‘ljallanadi va unga ko‘ra Grinvud yiliga 5 million yevro maosh hamda bonuslar oladi. Endilikda «Roma» jamoa bosh murabbiyi Jan Pyero Gasperinining asosiy transfer maqsadiga aylangan futbolchini qo‘lga kiritish uchun «Marsel» bilan muzokaralarni boshlashga tayyor.
2025/26 yilgi mavsumda Grinvud barcha musobaqalarni hisobga olgan holda 45 ta uchrashuvda maydonga tushdi. Ushbu vaqt ichida vinger raqiblar darvozasini 26 bor ishg‘ol qildi va 11 ta golli uzatmani o‘z hisobiga yozdirib qo‘ydi.
