«Марсель» клубининг қанот ҳужумчиси Мэйсон Гринвуд «Рома»га ўтишга бир қадам яқинлашди.
Журналист Николо Скиранинг берган маълумотларига кўра, римликлар инглиз футболчиси билан шахсий шартнома шартларини келишиб олишган. Битим 2031 йилга қадар мўлжалланади ва унга кўра Гринвуд йилига 5 миллион евро маош ҳамда бонуслар олади. Эндиликда «Рома» жамоа бош мураббийи Жан Пьеро Гасперинининг асосий трансфер мақсадига айланган футболчини қўлга киритиш учун «Марсель» билан музокараларни бошлашга тайёр.
2025/26 йилги мавсумда Гринвуд барча мусобақаларни ҳисобга олган ҳолда 45 та учрашувда майдонга тушди. Ушбу вақт ичида вингер рақиблар дарвозасини 26 бор ишғол қилди ва 11 та голли узатмани ўз ҳисобига ёздириб қўйди.
