Madridning «Real» klubi 29 yoshli yarim himoyachisi Dani Sebalyos jamoani tark etmoqchi. Bu haqda Diario AS nashri xabar bermoqda.

Manbaning ma’lum qilishicha, Sebalyosning xizmatlariga Ispaniyaning «Betis» klubi qiziqish bildirmoqda. Qayd etilishicha, «Real»ning o‘zi ham ispaniyalik futbolchini qo‘yib yuborishga tayyor va kelgusi transferlarni moliyalashtirish uchun ushbu kelishuvga tezroq nuqta qo‘ymoqchi.

Yakunlangan mavsumda Sebalyos barcha turnirlarda jami 23 ta uchrashuvda maydonga tushdi, biroq samarali harakatlari bilan ajralib tura olmadi.

Yarim himoyachining «Real» bilan amaldagi mehnat shartnomasi 2027 yilning o‘rtalariga qadar mo‘ljallangan. Transfermarkt mutaxassislari futbolchini 7 million yevroga baholamoqda.