«Malyorka» klubining qanot hujumchisi Xan Virxili «Barselona»ga qaytishi mumkin.

Mundo Deportivo nashrining xabar berishicha, «Barselona» o‘z sobiq futbolchisining vakillari bilan uchrashib, «Malyorka» La Ligadan tushib ketganidan so‘ng uning kelajagi qanday bo‘lishini muhokama qilgan. «Ko‘k-anorranglilar» hanuzgacha Virxili huquqlarining 40 foiziga egalik qilmoqda va qolgan qismini 7,2 million yevro evaziga sotib olishlari mumkin. 19 yoshli vingerning o‘zi ham Ispaniya chempionatida qolishni istamoqda.

Yakunlangan mavsumda Virxili barcha turnirlarda jami 34 ta uchrashuvda maydonga tushib, 2 ta gol urdi va 6 ta golli uzatmani o‘z hisobiga yozdirib qo‘ydi.

Transfermarkt portali ma’lumotlariga ko‘ra, yosh ispaniyalik futbolchining bozor bahosi 15 million yevroni tashkil etadi.