«Мальорка» клубининг қанот ҳужумчиси Хан Вирхили «Барселона»га қайтиши мумкин.

Mundo Deportivo нашрининг хабар беришича, «Барселона» ўз собиқ футболчисининг вакиллари билан учрашиб, «Мальорка» Ла Лигадан тушиб кетганидан сўнг унинг келажаги қандай бўлишини муҳокама қилган. «Кўк-анорранглилар» ҳанузгача Вирхили ҳуқуқларининг 40 фоизига эгалик қилмоқда ва қолган қисмини 7,2 миллион евро эвазига сотиб олишлари мумкин. 19 ёшли вингернинг ўзи ҳам Испания чемпионатида қолишни истамоқда.

Якунланган мавсумда Вирхили барча турнирларда жами 34 та учрашувда майдонга тушиб, 2 та гол урди ва 6 та голли узатмани ўз ҳисобига ёздириб қўйди.

Transfermarkt портали маълумотларига кўра, ёш испаниялик футболчининг бозор баҳоси 15 миллион еврони ташкил этади.