Angliya terma jamoasi himoyachisi Tino Livramento son orqa mushagi jarohati sababli 2026 yilgi jahon chempionatida maydonga tushmaslik ehtimoli juda yuqori. Bu haqda The Telegraph nashri xabar bermoqda.
Mavjud ma’lumotlarga ko‘ra, ushbu jarohat inglizlarning Xorvatiya terma jamoasiga qarshi start o‘yinidan oldin olingan. Angliya Futbol assosiasiyasi tomonidan hozircha rasmiy tasdiqlov berilgani yo‘q. Futbolchi butun turnirni o‘tkazib yuborishi kutilmoqda.
Inglizlar bosh murabbiyi Tomas Tuxel allaqachon uning o‘rniga nomzodlarni ko‘rib chiqmoqda. Favqulodda chaqiruv olishi mumkin bo‘lgan nomzodlar orasida Londonning «Chelsi» klubi himoyachisi Trevo Chaloba qayd etilgan.
Turnir reglamentiga ko‘ra, murabbiylar shtabi jamoaning musobaqadagi ilk o‘yini boshlanishiga bir necha soat qolguniga qadar qaydnomaga o‘zgartirish kiritish huquqiga ega.
