Senegal terma jamoasi hujumchisi Ibraima Mbaye jahon chempionatlari tarixidagi eng yosh afrikalik va senegallik to‘purarga aylandi. Bu haqda Senego nashri xabar bermoqda.

JCH-2026 guruh bosqichi 1-turidan o‘rin olgan Fransiya terma jamoasiga qarshi o‘yin vaqtida Mbaye 18 yosh-u 142 kunlik edi. Avvalgi rekord kimga tegishli bo‘lganiga manba aniqlik kiritmagan.

Mbaye ikkinchi bo‘limga qo‘shib berilgan vaqtda gol urishga muvaffaq bo‘ldi. U maydonning o‘ng tomonidan jarima maydonchasiga yorib kirdi va hech qanday qarshiliksiz darvozaning yaqin burchagini aniq nishonga oldi. Oradan ko‘p o‘tmay, fransuzlar javob golini urib, yakuniy hisobni o‘z foydalariga 3:1 ko‘rinishiga keltirishdi.

Klub darajasida Mbaye «PSJ» sharafini himoya qiladi. O‘tgan mavsumda u asosiy tarkibda 30 ta o‘yinda maydonga tushdi va o‘z hisobiga 3 ta gol hamda 2 ta golli uzatmani yozdirib qo‘ydi.