Сенегал терма жамоаси ҳужумчиси Ибраима Мбайе жаҳон чемпионатлари тарихидаги энг ёш африкалик ва сенегаллик тўпурарга айланди. Бу ҳақда Senego нашри хабар бермоқда.
ЖЧ-2026 гуруҳ босқичи 1-туридан ўрин олган Франция терма жамоасига қарши ўйин вақтида Мбайе 18 ёш-у 142 кунлик эди. Аввалги рекорд кимга тегишли бўлганига манба аниқлик киритмаган.
Мбайе иккинчи бўлимга қўшиб берилган вақтда гол уришга муваффақ бўлди. У майдоннинг ўнг томонидан жарима майдончасига ёриб кирди ва ҳеч қандай қаршиликсиз дарвозанинг яқин бурчагини аниқ нишонга олди. Орадан кўп ўтмай, французлар жавоб голини уриб, якуний ҳисобни ўз фойдаларига 3:1 кўринишига келтиришди.
Клуб даражасида Мбайе «ПСЖ» шарафини ҳимоя қилади. Ўтган мавсумда у асосий таркибда 30 та ўйинда майдонга тушди ва ўз ҳисобига 3 та гол ҳамда 2 та голли узатмани ёздириб қўйди.
