«Vest Xem» klubining 24 yoshli vingeri Krisensio Sammervill faoliyatini «Pari Sen-Jermen»da davom ettirishi mumkin.

Taniqli insayder Fabrisio Romanoning ta’kidlashicha, parijliklar futbolchining klubdagi ayni damdagi holatini bilish maqsadida Sammervill bo‘yicha so‘rov yuborishgan. Shuningdek, niderlandiyalik futbolchiga «Manchester Yunayted» va Angliya Premyer-ligasining yana bir nechta klublari qiziqish bildirmoqda.

Yakunlangan klub mavsumida Sammervill «Vest Xem» bilan birgalikda APLni tark etib, Chempionshipga ravona bo‘ldi. Futbolchi mavsum davomida 34 ta uchrashuvda maydonga tushib, o‘z hisobiga 7 ta gol va 5 ta golli uzatmani yozdirib qo‘ydi.

Transfermarkt portali mutaxassislari Sammervillning transfer qiymatini 35 million yevroga baholashmoqda.