Madridning «Real» klubi chap qanot himoyachisi Alvaro Karreras «Chelsi»ning qiziqishlar doirasiga tushib qoldi.

23 yoshli futbolchining «ko‘klar» lageriga ko‘chib o‘tishi mumkinligi haqidagi ma’lumotlar o‘tgan kunlarda Ispaniya OAVlarida paydo bo‘lgan edi. Taniqli insayder Fabrisio Romanoning bergan ma’lumotlariga ko‘ra, Karrerasning nomzodi haqiqatan ham londonliklar bosh murabbiyi Xabi Alonso ishtirokidagi ichki yig‘ilishlarda muhokama qilingan, biroq ayni damda futbolchi bo‘yicha hech qanday aniq muzokaralar olib borilmayapti.

Alvaro Karreras «Chelsi» safida aynan «Real»ga ko‘chib o‘tgan vatandoshi Mark Kukurelyaning o‘rnini egallashi mumkin. «Manchester Yunayted»ning sobiq laterali hisoblangan futbolchining bozor qiymati Transfermarkt ekspertlari tomonidan 50 million yevroga baholanmoqda.