Mark Kukurelya «Chelsi»dan «Real»ga ko‘chib o‘tgani haqida o‘z fikrlarini bildirdi.

«Bir yarim-ikki kun ichida hamma narsa hal bo‘ldi. Bu men uchun yanada yaxshi — barchasi tez va ortiqcha bosh og‘riqlarsiz yuz berdi.

Turli variantlar bor edi, ammo «Real» varianti paydo bo‘lganida, men hatto o‘ylab ham o‘tirmadim. Menimcha, bu noyob imkoniyat. «Real»da o‘ynash — katta sharaf va ko‘plab futbolchilar bu bilan maqtana olishmaydi. Bu klubning o‘ziga xos sehri bor. Buni qanday tushuntirishni ham bilmayman. Bu kutilmagan qandaydir tuyg‘u. Menimcha, biz buni ularning tarixiy kambeklarida ko‘p bor ko‘rganmiz.

Hayotda turli bosqichlar bo‘ladi. Men muhim qaror qabul qilishim kerak edi va buning to‘g‘riligiga hech qanday shubham yo‘q. Har bir futbolchi eng yuqori darajada to‘p surishni va buyuk klublarda o‘ynashni orzu qiladi. Bolaligingda dunyoning eng yaxshi jamoalarida o‘ynashni orzu qilasan va menimcha, «Real» ana shunday jamoalardan biri. Bu Chempionlar ligasi sovrinlari eng ko‘p bo‘lgan klubdir», — dedi himoyachi El Mundo nashriga bergan intervyusida.

Kukurelya «Barselona» klubi tarbiyalanuvchisi hisoblanadi.