«Tottenxem»ning 20 yoshli shvesiyalik yarim himoyachisi Lukas Bergvall shu yozda klubni tark etishi mumkin. Bu haqda HotspurReports xabar bermoqda.
Manbaning ma’lumotiga ko‘ra, futbolchiga Angliya Premyer-ligasining ikki klubi — «Chelsi» va «Aston Villa» qiziqish bildirmoqda. Biroq, «shporlar» ushbu jamoalardan hozircha rasmiy taklif olishmagani ta’kidlangan.
Yakunlangan klub mavsumida Bergvall barcha turnirlarda 33 ta o‘yinda maydonga tushib, bitta gol urdi va beshta golli uzatmani amalga oshirdi.
Bergvallning «Tottenxem» bilan shartnomasi 2031 yilga qadar mo‘ljallangan. Transfermarkt mutaxassislari yarim himoyachini 35 million yevroga baholashmoqda.













