«Тоттенхэм»нинг 20 ёшли швециялик ярим ҳимоячиси Лукас Бергвалль шу ёзда клубни тарк этиши мумкин. Бу ҳақда HotspurReports хабар бермоқда.

Манбанинг маълумотига кўра, футболчига Англия Премьер-лигасининг икки клуби — «Челси» ва «Астон Вилла» қизиқиш билдирмоқда. Бироқ, «шпорлар» ушбу жамоалардан ҳозирча расмий таклиф олишмагани таъкидланган.

Якунланган клуб мавсумида Бергвалль барча турнирларда 33 та ўйинда майдонга тушиб, битта гол урди ва бешта голли узатмани амалга оширди.

Бергвалльнинг «Тоттенхэм» билан шартномаси 2031 йилга қадар мўлжалланган. Transfermarkt мутахассислари ярим ҳимоячини 35 миллион еврога баҳолашмоқда.