Portugaliya terma jamoasi sobiq yarim himoyachisi Rikardu Kuarejma JCH-2026 guruh bosqichi 1-turidan o‘rin olgan DR Kongoga qarshi o‘yindan (1:1) so‘ng, butun uchrashuvni zaxira o‘rindig‘ida o‘tkazgan hujumchi Joau Feliksga murojaat qildi va bosh murabbiy Roberto Martinesni o‘yinchiga ko‘proq vaqt berishga chaqirdi.
«Senga ishonishda davom etaman, bunga shubha yo‘q. Ammo murabbiyingga ayt, seni tez-tez maydonga tushirsin. Endi ko‘ramiz, keyingi o‘yinga boshqacha kayfiyatda chiqib, g‘alaba qozona olarmikanmiz», — deya Kuarejmaning so‘zlarini keltiradi ESPN Brasil.
Portugaliya terma jamoasi «K» guruhida ishtirok etmoqda. 2-turda jamoa 23 iyun kuni O‘zbekistonga qarshi bahs olib boradi. Saudiyaning «An-Nasr» klubi sharafini himoya qiluvchi Feliks yakunlangan klub mavsumida barcha turnirlarda 47 ta o‘yinda maydonga tushib, 26 ta gol urdi va 18 ta golli uzatmani amalga oshirdi, shuningdek, Saudiya Arabistoni chempionatining eng yaxshi futbolchisi deb topildi.
