Londonning «Tottenxem» klubi qanot himoyachisi Jed Spens jamoasini o‘zgartirishi mumkin. Bu haqda taniqli jurnalist Pol Joys xabar bermoqda.

Manbaning ma’lumotlariga ko‘ra, 25 yoshli ingliz futbolchisining xizmatlariga «Everton» qiziqish bildirmoqda. Ta’kidlanishicha, «irislar» Spensni himoyaning o‘ng qanotini kuchaytirish uchun asosiy nomzodlardan biri sifatida ko‘rishmoqda.

2025/26 yilgi mavsumda Spens barcha musobaqalarni inobatga olgan holda 44 ta o‘yinda maydonga tushdi va samarali harakatlari bilan ajralib turmadi.

Himoyachining «shporlar» bilan shartnomasi 2029 yilgacha mo‘ljallangan. Transfermarkt mutaxassislari futbolchini 30 million yevroga baholashmoqda.