Лондоннинг «Тоттенхэм» клуби қанот ҳимоячиси Жед Спенс жамоасини ўзгартириши мумкин. Бу ҳақда таниқли журналист Пол Жойс хабар бермоқда.
Манбанинг маълумотларига кўра, 25 ёшли инглиз футболчисининг хизматларига «Эвертон» қизиқиш билдирмоқда. Таъкидланишича, «ирислар» Спенсни ҳимоянинг ўнг қанотини кучайтириш учун асосий номзодлардан бири сифатида кўришмоқда.
2025/26 йилги мавсумда Спенс барча мусобақаларни инобатга олган ҳолда 44 та ўйинда майдонга тушди ва самарали ҳаракатлари билан ажралиб турмади.
Ҳимоячининг «шпорлар» билан шартномаси 2029 йилгача мўлжалланган. Transfermarkt мутахассислари футболчини 30 миллион еврога баҳолашмоқда.
