Bilbaoning «Atletik» klubi va Ispaniya terma jamoasi vingeri Niko Uilyams o‘zining kelajagi haqidagi savolga javob berdi.

O‘tgan va undan oldingi yillarda futbolchining «Barselona» hamda boshqa top-klublarga o‘tishi borasidagi xabarlar faol tarqalgan edi. Biroq Niko basklarga sodiq qoldi.

«Hozirning o‘zidayoq faoliyatimning oxirigacha «Atletik»da qolish haqidagi hujjatga jon deb qo‘l qo‘ygan bo‘lardim», — deya jurnalist Fabrisio Romano Uilyamsning so‘zlarini keltirmoqda.

23 yoshli futbolchining qiymati Transfermarkt portali tomonidan 40 million yevroga baholangan. Yakunlangan mavsumda Niko Bilbao jamoasi safida 32 ta uchrashuvda maydonga tushib, 6 ta gol va 7 ta golli uzatmani o‘z hisobiga yozdirib qo‘ydi.