Madridning «Real» klubi vingeri Vinisius Junior Braziliya terma jamoasi safida jahon chempionati bahslarida hayratlanarli mahsuldorlik namoyish etmoqda.
25 yoshli futbolchi Gaitiga qarshi bugungi uchrashuvda «selesao»ning ikkita golida bevosita qatnashdi: 36-daqiqada u Mateus Kunyaga golli uzatma yetkazib bergan bo‘lsa, 45-daqiqada o‘z nomini tabloga yozdirib qo‘ydi. Shu tariqa, Vinisiusning mundiallardagi butun faoliyati davomida to‘plagan ochkolari soni 6 ta o‘yinda «gol+pas» tizimi bo‘yicha 6 taga (3 ta gol va 3 ta assist) yetdi.
«Qaymoqranglilar» yulduzining milliy terma jamoa libosidagi barcha turnirlardagi umumiy statistikasi esa bunchalik yuqori emas — 51 ta uchrashuvda 11 ta gol va 10 ta golli uzatma.
