Мадриднинг «Реал» клуби вингери Винисиус Жуниор Бразилия терма жамоаси сафида жаҳон чемпионати баҳсларида ҳайратланарли маҳсулдорлик намойиш этмоқда.

25 ёшли футболчи Гаитига қарши бугунги учрашувда «селесао»нинг иккита голида бевосита қатнашди: 36-дақиқада у Матеус Куньяга голли узатма етказиб берган бўлса, 45-дақиқада ўз номини таблога ёздириб қўйди. Шу тариқа, Винисиуснинг мундиаллардаги бутун фаолияти давомида тўплаган очколари сони 6 та ўйинда «гол+пас» тизими бўйича 6 тага (3 та гол ва 3 та ассист) етди.

«Қаймоқранглилар» юлдузининг миллий терма жамоа либосидаги барча турнирлардаги умумий статистикаси эса бунчалик юқори эмас — 51 та учрашувда 11 та гол ва 10 та голли узатма.