Madridning «Real» klubi Italiyaning «Komo» klubi bilan yarim himoyachi Nikolas Pasning keyingi taqdirini muhokama qilmoqchi. Bu haqda nufuzli insayder Fabrisio Romano xabar bermoqda.

Manbaning ma’lum qilishicha, keyingi haftada tomonlar argentinalik futbolchi bo‘yicha kelishuv tuzilmasini o‘zgartirish borasida muzokaralar o‘tkazishadi. «Qirollik klubi» futbolchini birinchi navbatda qayta sotib olish huquqiga ega.

21 yoshli yarim himoyachining o‘zi keyingi mavsumda ham amaldagi jamoasida qolishni istamoqda.

Yakunlangan mavsumda Pas «Komo» tarkibida 40 ta uchrashuvda maydonga tushdi. Yarim himoyachi o‘z hisobiga 13 ta gol va 7 ta golli uzatmani yozdirib qo‘ydi.