Jahon chempionati – 2026da ishtirok etayotgan Senegal terma jamoasi nufuzli turnir davomida moliyaviy muammolarga duch kelmoqda. Bu haqda Sport News Africa jurnalistlari xabar bermoqda.
Jamoadagilar mundialga yo‘llanma olganliklari va o‘tgan Afrika Kubogidagi ishtiroklari uchun shu paytgacha mukofot pullarini olishmaganidan norozi. Shuningdek, futbolchilarga AQSHdagi yashash sharoitlari ham ma’qul kelmayapti. Ular mehmonxona tanlovidan norozi bo‘lishmoqda.
Jamoa bosh murabbiyi esa umuman shartnomasiz ishlamoqda. Kelishuv muddati tugagan bo‘lib, u besh oydan beri ish haqi olmayapti.
Birinchi o‘yinda Senegal Fransiyaga 1:3 hisobida imkoniyatni boy berdi. Afrikaliklar navbatdagi uchrashuvni Norvegiyaga qarshi o‘tkazishadi.
