Turkiya milliy terma jamoasi posboni Ug‘urjan Chaqir JCH-2026dan chiqib ketganlaridan so‘ng o‘z fikrlarini bildirdi. Terma jamoa dastlabki ikkita o‘yindagi mag‘lubiyatdan keyin pley-offga chiqish imkoniyatidan butunlay mahrum bo‘ldi.
«Turkiya xalqidan uzr so‘ramoqchiman. Biz ular biz bilan faxrlanishlarini istagandik. Kutilmalar katta edi, biroq ularni oqlay olmadik. Jamoa g‘alaba qozonishni juda ham xohlagandi va maydonda bor kuchini berdi.
Biz hali boshimizni baland ko‘tarib yuramiz. Jamoamiz tarkibi yaxshi va yosh futbolchilardan iborat. Kelajakda yurtimiz biz bilan faxrlanishini xohlaymiz», — deya darvozabonning so‘zlarini keltiradi Fotomac nashri.
Turkiya terma jamoasi mundialdagi so‘nggi uchrashuvini guruhda peshqadamlikni naqd qilgan AQSH terma jamoasiga qarshi o‘tkazadi.
