«Manchester Yunayted» bosh murabbiyi Maykl Karrik jamoa vingeri Markus Reshfordning klubda qolishini istamoqda. Bu haqda taniqli jurnalist Kristian Falk xabar bermoqda.
Bundan oldinroq, «Barselona» klubi Reshfordning shartnomasida ko‘rsatilgan 30 million yevrolik «sotib olish huquqi»dan foydalanmagani ma’lum bo‘lgan edi. Shu sababli, ijara muddati yakunlangach, futbolchi Angliyaga qaytib keladi.
Manba bergan xabarlarga ko‘ra, Reshfordning kelajagi hali to‘liq hal bo‘lmagan esa-da, uning «Old Trafford»da qolish imkoniyatlari ayni paytda juda yuqori baholanmoqda.
Eslatib o‘tamiz, Reshford o‘z vaqtida jamoani boshqargan va uni o‘z rejalariga kiritmagan sobiq bosh murabbiy Ruben Amorim sababli «Manchester Yunayted»ni tark etishga majbur bo‘lgan edi.
