«Tottenxem» klubi himoyachisi Mikki van de Ven faoliyatini boshqa jamoada davom ettirishi mumkin. Bu haqda Niderlandiyaning mashhur De Telegraaf nashri xabar tarqatmoqda.

Ayni damda futbolchiga ikkita grand klub da’vogarlik qilmoqda. Van de Venni o‘z safiga qo‘shib olish uchun «Liverpul» va «Barselona» jamoalari jiddiy kurash boshlashgan. «Tottenxem» rahbariyati esa futbolchini qo‘yib yuborishni istamayapti, biroq «shporlar» uchun niderlandiyalik himoyachi bilan amaldagi shartnomani uzaytirish ancha qiyin kechishi taxmin qilinmoqda.

Hozirgi vaqtda Mikki van de Ven Niderlandiya terma jamoasi safida JCH-2026 musobaqasida ishtirok etmoqda. Eslatib o‘tamiz, ilk turda niderlandiyaliklar Yaponiya terma jamoasi bilan durang o‘ynashgan edi (2:2).