Argentina terma jamoasi bosh murabbiyi Lionel Skaloni Braziliya ustozi Karlo Anchelottining yaqinda aytgan gaplariga munosabat bildirdi.

Italiyalik mutaxassis argentinaliklar yuqori intensivlilikdagi futbol o‘ynamasligini, o‘yin ritmini to‘g‘ri boshqarishni ma’qul ko‘rishini ta’kidlagan edi.

«Anchelottining o‘yinimiz haqidagi so‘zlarining ma’nosini juda yaxshi tushundim. Bu bizni motivasiya qildi. O‘ylaymanki, bu tanqiddan ko‘ra ko‘proq maqtovdir. Avvalo, odamlar intensivlilik deganda aynan nimani nazarda tutayotganini aniqlab olish kerak. Hozir biz har doim yuqori pressing qilish niyatida maydonga tushadigan terma jamoalarni unchalik ko‘p ko‘rmayapmiz», — deya javob berdi Skaloni matbuot anjumanida.

Bugun Toshkent vaqti bilan soat 22:00da Argentinaning Avstriyaga qarshi bahsi boshlanadi.