Аргентина терма жамоаси бош мураббийи Лионель Скалони Бразилия устози Карло Анчелоттининг яқинда айтган гапларига муносабат билдирди.
Италиялик мутахассис аргентиналиклар юқори интенсивлиликдаги футбол ўйнамаслигини, ўйин ритмини тўғри бошқаришни маъқул кўришини таъкидлаган эди.
«Анчелоттининг ўйинимиз ҳақидаги сўзларининг маъносини жуда яхши тушундим. Бу бизни мотивация қилди. Ўйлайманки, бу танқиддан кўра кўпроқ мақтовдир. Аввало, одамлар интенсивлилик деганда айнан нимани назарда тутаётганини аниқлаб олиш керак. Ҳозир биз ҳар доим юқори прессинг қилиш ниятида майдонга тушадиган терма жамоаларни унчалик кўп кўрмаяпмиз», — дея жавоб берди Скалони матбуот анжуманида.
Бугун Тошкент вақти билан соат 22:00да Аргентинанинг Австрияга қарши баҳси бошланади.
