Fransiya terma jamoasi sardori Kilian Mbappe 2026 yilgi jahon chempionatining har bir o‘yinida ko‘zda tutilgan suv ichish tanaffuslari haqida o‘z fikrini bildirdi.
Turnir davomida ko‘plab ishtirokchilar, jumladan, murabbiylar va futbolchilar ushbu g‘oyaga qarshi chiqishdi. Madridning «Real» klubi hujumchisi esa bu borada ancha neytral fikr bildirdi.
«Suv ichish uchun tanaffuslarmi? Futbolchilarning fikrini so‘ramang — bizning munosabatimiz vaziyatga bog‘liq. Agar ertaga maydonda ustunlik qilayotgan bo‘lsak-u, lekin 25-daqiqada tanaffus qilishga majbur bo‘lsak, albatta, bu bizni jahlimizni chiqaradi. Ammo ob-havo haqiqatan ham issiq bo‘lsa yoki raqib ustunlik qilayotgan bo‘lsa, bu to‘xtalishdan faqat xursand bo‘laman», — dedi Mbappe matbuot anjumanida.
23 iyun kuni Toshkent vaqti bilan soat 02:00da Fransiya guruh bosqichining ikkinchi turi doirasida Iroqqa qarshi bahs olib boradi.
