Франция терма жамоаси сардори Килиан Мбаппе 2026 йилги жаҳон чемпионатининг ҳар бир ўйинида кўзда тутилган сув ичиш танаффуслари ҳақида ўз фикрини билдирди.
Турнир давомида кўплаб иштирокчилар, жумладан, мураббийлар ва футболчилар ушбу ғояга қарши чиқишди. Мадриднинг «Реал» клуби ҳужумчиси эса бу борада анча нейтрал фикр билдирди.
«Сув ичиш учун танаффусларми? Футболчиларнинг фикрини сўраманг — бизнинг муносабатимиз вазиятга боғлиқ. Агар эртага майдонда устунлик қилаётган бўлсак-у, лекин 25-дақиқада танаффус қилишга мажбур бўлсак, албатта, бу бизни жаҳлимизни чиқаради. Аммо об-ҳаво ҳақиқатан ҳам иссиқ бўлса ёки рақиб устунлик қилаётган бўлса, бу тўхталишдан фақат хурсанд бўламан», — деди Мбаппе матбуот анжуманида.
23 июнь куни Тошкент вақти билан соат 02:00да Франция гуруҳ босқичининг иккинчи тури доирасида Ироққа қарши баҳс олиб боради.
