"Barselona" himoyachisi Pau Kubarsi Madridning "Atletiko" klubi argentinalik hujumchisi Xulian Alvaresning jamoaga kelishi mumkinligi haqidagi xabarlarga o‘z munosabatini bildirdi.

"Hozirda bor e’tiborim tarkibimizda mavjud bo‘lgan futbolchilarga, masalan, Ferran va safimizga yaqindagina kelib qo‘shilgan Gordonga qaratilgan. Ammo kim kelishidan qat’i nazar, u quchoq ochib kutib olinadi. Agar hech kim kelmasa ham, men jamoadoshlarimni oxirigacha qo‘llab-quvvatlayman. Bizning tarkibimiz allaqachon a’lo darajada", — deya Kubarsining so‘zlarini Barça Universal nashri keltirmoqda.

Avvalroq, Xulian Alvares yozgi transfer oynasida "Barselona"ning asosiy maqsadi ekanligi xabar qilingandi. Biroq Kataloniya klubi o‘z yetakchisini qo‘yib yubormoqchi bo‘lmayotgan "Atletiko" bilan hozircha kelisha olmayapti.