"Барселона" ҳимоячиси Пау Кубарси Мадриднинг "Атлетико" клуби аргентиналик ҳужумчиси Хулиан Альвареснинг жамоага келиши мумкинлиги ҳақидаги хабарларга ўз муносабатини билдирди.
"Ҳозирда бор эътиборим таркибимизда мавжуд бўлган футболчиларга, масалан, Ферран ва сафимизга яқиндагина келиб қўшилган Гордонга қаратилган. Аммо ким келишидан қатъи назар, у қучоқ очиб кутиб олинади. Агар ҳеч ким келмаса ҳам, мен жамоадошларимни охиригача қўллаб-қувватлайман. Бизнинг таркибимиз аллақачон аъло даражада", — дея Кубарсининг сўзларини Barça Universal нашри келтирмоқда.
Аввалроқ, Хулиан Альварес ёзги трансфер ойнасида "Барселона"нинг асосий мақсади эканлиги хабар қилинганди. Бироқ Каталония клуби ўз етакчисини қўйиб юбормоқчи бўлмаётган "Атлетико" билан ҳозирча келиша олмаяпти.
