«Brayton»ning 22 yoshli yarim himoyachisi Karlos Baleba faoliyatini «Manchester Yunayted»da davom ettirishi mumkin. Bu haqda «TEAMtalk» xabar bermoqda.
Manbaning ma’lumotlariga ko‘ra, agar Manuel Ugarte shu yozda «Old Trafford»ni tark etsa, «qizil iblislar» yana kamerunlik futbolchiga e’tibor qaratishlari mumkin. «Manchester Yunayted» «Brayton» xavbekini yuqori baholamoqda, biroq «chaykalar» u uchun katta mablag‘ — taxminan 93 million yevro talab qilmoqda.
Ortda qolgan mavsumda Baleba barcha turnirlarni inobatga olgan holda 35 ta o‘yinda maydonga tushdi, ammo samarali harakatlar bilan ajralib turmadi.
Yarim himoyachining «Brayton» bilan amaldagi shartnomasi 2028 yilning o‘rtalarigacha mo‘ljallangan.
