«Брайтон»нинг 22 ёшли ярим ҳимоячиси Карлос Балеба фаолиятини «Манчестер Юнайтед»да давом эттириши мумкин. Бу ҳақда «TEAMtalk» хабар бермоқда.

Манбанинг маълумотларига кўра, агар Мануэль Угарте шу ёзда «Олд Траффорд»ни тарк этса, «қизил иблислар» яна камерунлик футболчига эътибор қаратишлари мумкин. «Манчестер Юнайтед» «Брайтон» хавбекини юқори баҳоламоқда, бироқ «чайкалар» у учун катта маблағ — тахминан 93 миллион евро талаб қилмоқда.

Ортда қолган мавсумда Балеба барча турнирларни инобатга олган ҳолда 35 та ўйинда майдонга тушди, аммо самарали ҳаракатлар билан ажралиб турмади.

Ярим ҳимоячининг «Брайтон» билан амалдаги шартномаси 2028 йилнинг ўрталаригача мўлжалланган.