Fransiya terma jamoasi hujumchisi Markus Tyuramning Jahon chempionati 1/16 finali doirasidagi Shvesiyaga qarshi o‘yinda ishtirok etishi so‘roq ostida turibdi.
«Inter»ning 28 yoshli hujumchisi avvalroq boldir mushagini shikastlab olgan edi. Shu sababli u yakshanba kuni jamoa bilan mashg‘ulotlarda qatnashmadi va faqat velotrenajyorda mashq qilish bilan cheklandi.
L’Équipe nashrining ma’lumotlariga ko‘ra, Tyuram katta ehtimol bilan Nyu-Yorkda Shvesiyaga qarshi kechadigan bahsda maydonga tushmaydi.
Shuningdek, tizzasidagi muammolar tufayli ikki kundan beri umumiy guruhda mashg‘ulot olib bormayotganiga qaramay, yarim himoyachi Ngolo Kante Fransiya terma jamoasining qaydnomasiga kiritilishi kutilmoqda.
