Франция терма жамоаси ҳужумчиси Маркус Тюрамнинг Жаҳон чемпионати 1/16 финали доирасидаги Швецияга қарши ўйинда иштирок этиши сўроқ остида турибди.
«Интер»нинг 28 ёшли ҳужумчиси аввалроқ болдир мушагини шикастлаб олган эди. Шу сабабли у якшанба куни жамоа билан машғулотларда қатнашмади ва фақат велотренажёрда машқ қилиш билан чекланди.
L’Équipe нашрининг маълумотларига кўра, Тюрам катта эҳтимол билан Нью-Йоркда Швецияга қарши кечадиган баҳсда майдонга тушмайди.
Шунингдек, тиззасидаги муаммолар туфайли икки кундан бери умумий гуруҳда машғулот олиб бормаётганига қарамай, ярим ҳимоячи Нголо Канте Франция терма жамоасининг қайдномасига киритилиши кутилмоқда.
