O‘z vaqtida Angliya terma jamoasi safida to‘p surgan Gari Nevill Myunxenning «Bavariya» klubi markaziy hujumchisi Xarri Keynning darajasini yuqori baholadi.
«Keyn — maksimal darajada ishonchli bo‘la oladigan futbolchi. Futbolda ham, hayotda ham barqaror ishonchlilik juda muhim. Siz o‘zingiz to‘liq ishonadigan va siz uchun maydonda borini beradigan futbolchilarga ehtiyoj sezasiz. U aql bovar qilmas darajada kuchli va siz undan nima kutish mumkinligini aniq bilasiz», — deya Nevillning so‘zlarini keltiradi Sky Sports nashri.
Ekspert Angliya terma jamoasi yetakchisi Jahon chempionati — 2026 ning pley-off bosqichiga tayyor bo‘lishiga umid bildirdi.
AQSH, Meksika va Kanada mezbonlik qilayotgan joriy mundialda 32 yoshli hujumchi allaqachon 3 ta gol urishga ulgurdi. U 1/16 final doirasidagi Kongo DR terma jamoasiga qarshi bahsda o‘z gollari sonini yanada oshirishga harakat qiladi.
