Ўз вақтида Англия терма жамоаси сафида тўп сурган Гари Невилл Мюнхеннинг «Бавария» клуби марказий ҳужумчиси Харри Кейннинг даражасини юқори баҳолади.

«Кейн — максимал даражада ишончли бўла оладиган футболчи. Футболда ҳам, ҳаётда ҳам барқарор ишончлилик жуда муҳим. Сиз ўзингиз тўлиқ ишонадиган ва сиз учун майдонда борини берадиган футболчиларга эҳтиёж сезасиз. У ақл бовар қилмас даражада кучли ва сиз ундан нима кутиш мумкинлигини аниқ биласиз», — дея Невиллнинг сўзларини келтиради Sky Sports нашри.

Эксперт Англия терма жамоаси етакчиси Жаҳон чемпионати — 2026 нинг плей-офф босқичига тайёр бўлишига умид билдирди.

АҚШ, Мексика ва Канада мезбонлик қилаётган жорий мундиалда 32 ёшли ҳужумчи аллақачон 3 та гол уришга улгурди. У 1/16 финал доирасидаги Конго ДР терма жамоасига қарши баҳсда ўз голлари сонини янада оширишга ҳаракат қилади.