Armanistonlik yarim himoyachi Genrix Mxitaryan Milanning «Inter» klubi bilan hamkorlikni uzaytirdi. Bu haqda ijtimoiy tarmoqlar orqali insayder Nikolo Skira xabar bermoqda.

Manba ma’lumotlariga ko‘ra, yarim himoyachining «neradzurri» bilan yangi mehnat shartnomasi keyingi yilning o‘rtalariga qadar mo‘ljallangan. Mxitaryanning ish haqi ikki million yevro va qo‘shimcha bonuslarni tashkil etadi.

Eslatib o‘tamiz, 37 yoshli futbolchi Milan jamoasida 2022 yilning yozidan beri to‘p surib kelmoqda.

Italiya A Seriyasining yakunlangan mavsumida Mxitaryan 30 ta o‘yinda maydonga tushdi. Yarim himoyachi 4 ta gol urdi va 1 ta golli uzatmaga mualliflik qildi.