Milanning «Inter» klubi rasmiy sayti orqali jamoa mudofaa chizig‘ining bir yo‘la bir nechta futbolchisi ketganini e’lon qildi.
Top-klub safini italiyalik himoyachilar Matteo Darmian va Franchesko Acherbi, shuningdek, niderlandiyalik Stefan de Vrey tark etdi. Ularning uchchalasi ham erkin agentga aylanishdi.
Avvalroq «Inter»dan shveysariyalik golkiper Yann Zommer ketgani haqida ham xabar berilgan edi.
Yakunlangan mavsum natijalariga ko‘ra, Milan grandi eng yaqin ta’qibchisini 11 ochkoga ortda qoldirib, Seriya A chempioniga aylandi. Bundan tashqari, «neradzurri» Italiya kubogi sohibiga ham aylangan edi.
