Миланнинг «Интер» клуби расмий сайти орқали жамоа мудофаа чизиғининг бир йўла бир нечта футболчиси кетганини эълон қилди.
Топ-клуб сафини италиялик ҳимоячилар Маттео Дармиан ва Франческо Ачерби, шунингдек, нидерландиялик Стефан де Врей тарк этди. Уларнинг уччаласи ҳам эркин агентга айланишди.
Аввалроқ «Интер»дан швейцариялик голкипер Янн Зоммер кетгани ҳақида ҳам хабар берилган эди.
Якунланган мавсум натижаларига кўра, Милан гранди энг яқин таъқибчисини 11 очкога ортда қолдириб, Серия А чемпионига айланди. Бундан ташқари, «нерадзурри» Италия кубоги соҳибига ҳам айланган эди.
