Madridning «Atletiko» klubi himoyachisi Mark Pubil jamoa hujumchisi Xulian Alvares bilan bog‘liq vaziyatga o‘z munosabatini bildirdi. Avvalroq argentinalik hujumchi madridliklar safini tark etish istagini oshkora ma’lum qilgan edi.
«Agar Xulian «Atletiko»da baxtli bo‘lmasa, voqealar rivoji qanday tus olishini kuzatamiz, lekin uning ketishini tushunaman. Bu bir oz g‘alati bayonotlar, ammo Xulian — buyuk futbolchi va siz doim bunday o‘yinchi jamoangizda bo‘lishini xohlaysiz. Biroq, agar futbolchi klubda qolishni istamasa, u ilgarigidek foydali bo‘lmay qo‘yadi», — deya Pubilning so‘zlarini keltiradi Mundo Deportivo nashri.
Avvalroq Alvares «Atletiko» rahbariyatidan «o‘z orzusini amalga oshirish» uchun uni qo‘yib yuborishlarini ochiqchasiga so‘ragan, biroq aynan qaysi klubga o‘tmoqchi ekanligini nomlamagan edi. Unga asosiy da’vogar sifatida «Barselona» ko‘rilmoqda — kataloniyaliklar hujumchi uchun allaqachon 100 million yevro taklif qilishga ulgurgan.
