«Pari Sen-Jermen» va «Yuventus» hozircha hujumchi Randal Kolo-Muanining transfer shartlari bo‘yicha bir qarorga kelgani yo‘q.

«Keksa sinyora» 27 yoshli futbolchining o‘zi bilan allaqachon kelishib olgan — tomonlar besh yillik shartnoma borasida og‘zaki rozilikka erishgan. Tuttosport nashrining xabariga ko‘ra, «Yuventus» «PSJ»ga Chempionlar Ligasiga yo‘llanma qo‘lga kiritilgan taqdirda 36-37 million yevro evaziga majburiy sotib olish sharti bilan ijara variantini taklif qilmoqda. Biroq parijliklar o‘z so‘zida turib turibdi — ular 40 million yevro talab qilishmoqda. Katta ehtimol bilan, klublar baribir o‘zaro murosaga kelishadi.

Randal Kolo-Muani 2024/25 yilgi mavsumning ikkinchi yarmida ham turinliklar safida to‘p surgan edi. O‘tgan mavsumni esa fransiyalik futbolchi ijara asosida «Tottenxem»da o‘tkazdi va u yerda o‘zini u qadar yorqin ko‘rsata olmadi.