Ekvador terma jamoasi bosh murabbiyi Sebastyan Bekkasese jamoa jahon chempionatini tark etganidan so‘ng darhol o‘z lavozimidan ketdi.
Bu haqda 45 yoshli mutaxassis Meksikaga qarshi kechgan va 0:2 hisobidagi mag‘lubiyat bilan yakunlangan 1/16 final uchrashuvidan keyin shaxsan o‘zi e’lon qildi. Murabbiyning shartnoma muddati tugab borayotgan edi va tomonlar hamkorlikni uzaytirmaslikka qaror qilishdi.
Ekvador terma jamoasi o‘z guruhida to‘rt ochko jamg‘arib, uchinchi o‘rinni egallagan edi. Guruh bosqichining yakuniy turida ekvadorliklar Germaniyani mag‘lub etishgan (2:1), undan avval esa Kyurasao bilan durang o‘ynab (0:0), Kot-d'Ivuarga imkoniyatni boy berishgandi (0:1). Sebastyan Bekkasese ushbu lavozimda 2024 yilning avgust oyidan buyon ishlab kelayotgan edi.
