«Barselona» va Ispaniya terma jamoasi markaziy himoyachisi Pau Kubarsi tanqidlarga bo‘lgan munosabati haqida so‘zlab berdi.
19 yoshli futbolchi JCH-2026 guruh bosqichida «qizil furiya»ning barcha uchta o‘yinida asosiy tarkibda maydonga tushdi.
«Men statistikaga ham, odamlar men haqimda nima deyotganiga ham e’tibor bermayman. Mening vazifam — o‘z futbolimni o‘ynash, turnirni yaxshi o‘tkazish va o‘z mahoratim bilan jamoaga yordam berish. Men aynan shuni bajarishga harakat qilyapman», — deya Kubarsining Avstriyaga qarshi 1/16 final o‘yini oldidan bergan intervyusidan iqtibos keltirmoqda Barca Universal.
Ispanlar va avstriyaliklar o‘rtasidagi uchrashuv bugun bo‘lib o‘tadi.
