«Yuventus» hujumchisi Lois Openda transferga qo‘yildi, deb yozmoqda Gazzetta dello Sport nashri.

Xabar qilinishicha, turinliklar futbolchi bo‘yicha «Lans», «Lion», «Renn» va «Koventri» klublaridan takliflar olib ulgurgan.

Hujumchi o‘tgan yozda «Leypsig»dan majburiy sotib olish sharti bilan ijaraga olingan edi va mavsum yakunida transferning umumiy qiymati «Yuve»ga 46 million yevroga tushdi.

Ushbu kelishuv «Yuventus» uchun haqiqiy falokatga aylandi, chunki Openda 34 ta o‘yinda bor-yo‘g‘i ikkita gol ura oldi, xolos. Belgiyalik futbolchi 2025 yilning dekabridan beri gol ura olmadi, qolaversa, mavsumning so‘nggi 11 ta uchrashuvida maydonda bor-yo‘g‘i to‘rt daqiqa harakat qildi.

Qayd etilishicha, «Yuventus» futbolchini keyinchalik sotib olish huquqi bilan ijaraga berish variantlarini ham ko‘rib chiqishga tayyor.