Jahon chempionati — 2026 pley-off bosqichining ilk raundida Misr terma jamoasi Avstraliya milliy terma jamoasidan ustun keldi. Asosiy va qo‘shimcha vaqtlarda raqiblar 1:1 hisobidagi durangni qayd etishdi, penaltilar seriyasida esa afrikaliklar aniqroq harakat qilishdi — 4:2.
Ushbu natija haqida misrlik forvard Xessem Xassan o‘z fikrlarini bildirib o‘tdi.
«Aql bovar qilmaydigan o‘yin bo‘ldi. Jamoamiz 120 million insonni baxtli qila oldi. Endi Misrda haqiqiy bayram bo‘ladi. Ikkala jamoada ham keyingi bosqichga chiqish uchun imkoniyatlar bor edi, hamma narsa 11 metrlik penaltilar seriyasida hal bo‘ldi. Biz tarixga kirdik. Bu juda ajoyib oqshom bo‘ldi», — deya futbolchining so‘zlarini FIFA matbuot xizmati keltiradi.
Jahon chempionatining keyingi bosqichida (1/8 finalda) Misr terma jamoasi Argentinaga qarshi maydonga tushadi.
